Rétta greiðslan fyrir þitt andlitsfall!

Eitthvað sem allar konur hafa eflaust hugsað um er hver rétta greiðslan fyrir sitt andlitsfall er. Það er nefnilega þannig að þó að klippingin sé fullkomin og greiðslan vel gerð þá einfaldlega kemur hún ekki vel út ef hún hentar ekki andlitsfallinu.
Hérna getur þú á mjög einfaldan hátt séð hvaða klipping hentar þínu andliti best.

Kringlótt andlit

Þú vilt ekki draga fram og ýkja kringlótt andlitsfall. Þetta þýðir að ef þú ert með kringlótt andlit þá skaltu forðast stutt krullað hár því það mun bara láta kringlótt andlit virka meira kringlótt. Síð bob klipping klæðir þig vel.

Ferkantað andlit

Ef þú ert með ferkantað andlit þá viltu draga athyglina frá hökunni svo þú skalt forðast klippingar sem enda við höku. Styttri eða síðari klippingar henta þér betur og styttur og krullur virka vel. Slétt bob klipping færi þér líka vel.

Sporöskjulaga andlit

Sporöskjulaga andliti fer nánast allt vel, en það getur virkað langleitt svo passaðu þig á að búa ekki til mikla hæð ofan á höfuðið. Sítt hár dregur úr sporöskjulaga andliti. Ef þú ert með þykkt eða krullað hár, forðastu þá slétta línu, þú vilt ekki líkjast pýramída….

Hjartalaga andlit

Hjartalaga andlitsfalli fylgir oft oddhvöss haka. Dragðu athyglina að augunum og kinnbeinunum með því að klippa á þig þungan topp, hliðaropp og styttur.

Eitthvað fyrir alla

Styttur og axlasídd fara hvaða andlitsfalli sem er vel. Fræga fólkið er mjög hrifið af þessari klippingu því hún fer öllum vel.